26 сентября 2009 г.
2009 çулхи сентябрĕн 24-мĕшĕнче Патăрьел район депутачĕсен Пухăвĕн черетлĕ 29-мĕш ларăвĕ иртрĕ. Ăна Пуху председателĕ М. Петров уçрĕ, ертсе пычĕ.
Малтанах депутатсем «Патăрьел район депутачĕсен Пухăвĕн «Патăрьел районĕн 2009 çулхи бюджечĕ çинчен» йышăнăвне улшăнусем кĕртесси çинчен» ыйтăва сÿтсе яврĕç. Унпа райадминистрацин финанс пайĕн начальникĕ Т. Полякова доклад турĕ.
Унтан депутатсем райадминистрацин капиталлă строительство тата обществăллă инфратытăм аталанăвĕн пайĕн начальникĕ И. Дикин «2009-2010 çулсенчи хутса ăшăтмалли тапхăра хатĕрленесси çинчен» ыйтупа тунă докладне итлерĕç.
Депутатсем докладсене сÿтсе явса усăллă сĕнÿсем пачĕç.
Пуху район пурнăçĕпе çыхăннă ытти ыйтусене те пăхса тухрĕ, тивĕçлĕ йышăнусем турĕ.
Пуху ĕçне район пуçлăхĕ Н. Глухов хутшăнчĕ, сăмах каларĕ, кăларнă йышăнусене пурнăçлассишĕн хастартарах ĕçлеме чĕнчĕ.