26 сентября 2009 г.
Çемьене пĕчĕк пепке хутшăнни пуриншĕн те савăнăç, телей, хавхалану. Алманчăра нумай ачаллă çемьесем йышлах мар. Вĕсене алăри пÿрнепе те шутласа тухма пулать. Иртнĕ вырсарникун вара Пахомовсен çемйине йыш хушăннă, хĕр çуралнă. Арина – çемьере саккăрмĕш ача. Аппăшĕсемпе пиччĕшĕсемшĕн вăл кĕтнĕ йăмăк.
Алексейпе Ирина иккĕшĕ те çĕр ĕç фирминче тăрăшаççĕ. Кил хуçи – механизатор, мăшăрĕ пахчаçă. Пĕчĕк хĕре аслисем пекех ура çине тăратма ашшĕ-амăшĕн çирĕп сывлăх пултăрах.