26 сентября 2009 г.
Сентябрĕн 22-мĕшĕ – октябрĕн 1-мĕшĕсенче республикăра Ыркăмăллăх вунă кунлăхĕ иртет. Ăна Пĕтĕм тĕнчери ватă çынсен кунне халаллаççĕ. Тĕнчери сывлăх сыхлав организацийĕн классификацийĕ тăрăх ватă çын шутне 65 çулхисенчен пуçласа кĕртеççĕ.
Вунă кунлăх вăхăтĕнче Чăваш Енре чылай мероприяти ирттереççĕ. Йăлана кĕнĕ йĕркепе пур çĕрте те уяв концерчĕсем пулаççĕ. Чăваш академи драма театрĕ Патăрьел, Шăмăршă, Комсомольски районĕсенче спектакльсем кăтартать.
Раççей Пенси фончĕн шучĕпе ватă çынсене пурĕ 1,3 миллион тенкĕлĕх пулăшу параççĕ.