30 сентября 2009 г.
Раççей шайĕнче ят панă Çамрăксен çулталăкĕ Патăрьел районĕшĕн тухăçлă та, ăнăçлă та иртсе пырать. Паттăр енсем республикăра демографи енĕпе илес пулсан та малтисен йышĕнче. Кăçалхи çулталăк çемьесенче йĕкĕреш ачасем çуралнипе уйрăмах паллă. 2009 çулта районта ултă йĕкĕреш çуралнă. Иртнĕ çулхи çак вăхăтра 4 йĕкĕреш пулнă. Вĕсенчен пиллĕкĕшĕ – арçын ача, çиччĕшĕ – хĕр ача.
Иртнĕ эрнере çеç районти ЗАГС пайĕнче икĕ йĕкĕреш ачана регистрацилесе çурални çинчен ĕнентерекен свидетельствăсем панă. Пăлапуç Пашьелĕнчи Петр Васильевичпа Эльвира Юрьевна Агашевсен çемйине Инессăпа Игнатий, Шăнкăртамри Рамиль Семигулловичпа Гелгеня Илдусовна Феткулловсен вара Зулияпа Ислам хутшăннă.