30 сентября 2009 г.
Çĕр улмине пуçтарса кĕртесси вĕçленсе пырать. Ĕнерхи кун тĕлне 2423 гектарта е пĕтĕмĕшле лаптăкăн 96,1 процентĕнче ĕç пĕтнĕ. Районĕпе вăтам тухăç 170,1 центнерпа танлашать. Пурĕ 41215 тонна пуçтарса кĕртнĕ.
«Иккĕмĕш çăкăра» Волгоград, Самара, Сызрань, Хусан, Киров тата ытти хуласене те ăсатаççĕ.
Ĕнерхи кун тĕлне районĕпе вăтам сăвăм 10,9 килогрампа танлашать, пĕлтĕр ку вăхăтра 10,6 килограмм пулнă. «Звезда» (16 килограмм), Ленин ячĕллĕ (14,6), «Батыревский» (13,2), «Красное знамя» (11,2) хуçалăхсенче кăтарту пысăкрах.