03 октября 2009 г.
Алманчăри вăтам шкулта вĕренекен ачасем час-часах историллĕ паллă вырăнсенче пулаççĕ. Хальхинче инçе çула кĕске туса 42 вĕренекен Атăлçи Пăлхара çитсе курнă. Çула май ачасем Чĕмпĕрти И.Н. Ульянов ячĕллĕ Чăваш наци шкулне кĕнĕ, кунти чиркÿре пулнă, хулан историллĕ паллă вырăнĕсемпе паллашнă.
Çак пархатарлă çул çÿреве республикăри хисеплĕ краевед В. Волков учитель йĕркеленĕ. Вячеслав Вениаминовичăн ку тĕлĕшпе опычĕ пуян. Çулсеренех вăл вĕренекенсене паллă вырăнсене экскурсие илсе çÿрет. Хальхинче те Пăлхар çĕр-шывне çитсе килнĕ ачасем питĕ кăмăллă юлнă.