03 октября 2009 г.
Юпан пĕрремĕш кунĕ аслă ăрури çынсене мĕн пур ырă ĕçшĕн, пурнăçра пысăк тÿпе хывнăшăн тав сăмахĕ каламалли, хисеплемелли кун. Çак ятпа халăха социаллă пулăшупа тивĕçтерекен Патăрьелĕнчи центрта кану каçĕ йĕркеленĕ. Тĕл пулăва килнĕ ватăсене ЧР Сывлăх сыхлавĕпе социаллă аталану министерствин хÿтлĕх пайĕн начальникĕ Ф. Майорова, «Патăрьелĕнчи халăха социаллă пулăшупа тивĕçтерекен центр» патшалăх учреждени директорĕ Т. Малинина, районти хĕрарăмсен канашĕн председателĕ О. Гусарова уяв ячĕпе саламланă, пурне те ырлăх-сывлăх, канлĕ те лăпкă ватлăх суннă.
Центр работникĕсем уява хутшăннисене «Сирĕн çулсем – сирĕн пуянлăх» ятпа хатĕрленĕ концерт кăтартнă. Ватăсем уяв саламĕпе пурте кăмăллă юлнă.