Публикации » Паттăрлăх сехетĕнче – Тинĕс-Çар флочĕн ветеранĕ

03 октября 2009 г.

Турханти А. Алексеев Тинĕс-Çар флочĕн ветеранĕ пирки тавра ялта та чылайăшĕ пĕлеççĕ. Алексей Антонович халĕ тивĕçлĕ канура. 1957-1987 çулсенче вăл Çурçĕр флотĕнче «Адмирал Ушаков» тата «Александр Невский» çар крейсерĕсенче службăра тăнă. Çак тапхăрта вăл хăйĕн тивĕçĕпе 23 хутчен ют çĕр-шывра пулнă. Алексей Антонович 1961 çулта Новая Земля утравра ядерлă хĕç-пăшала тĕрĕсленĕ экипаж шутĕнче те пулнă. Урăхла каласан çар пурнăçĕ пирки унăн аса илмелли, çамрăк ăрăва каласа памалли пайтах. Турханти вăтам шкулта аслă классемпе йĕркеленĕ паттăрлăх сехетĕнче ачасем унăн пурнăç историйĕпе кăсăкланса итлесе ларнă, ыйтусем панă.