03 октября 2009 г.
Пулас çĕр-шыв хÿтĕлевçисемшĕн юпан 1-мĕшĕнчен кĕркуннехи призыв пуçланчĕ. Районти çар ĕç комиссариатĕнчен пĕлтернĕ тăрăх, хальхи призывра Патăрьел тата Шăмăршă районĕсенчен нарядпа 175 çамрăк çар хĕсметне каймалла. Çак тĕллевпе хатĕрленÿ тапхăрĕ маларахах пуçланнă. Сентябрĕн 21-30-мĕшĕсенче салтака кайма ят тухнă 326 çамрăка районта медицина тĕрĕслевĕ витĕр кăларнă. Анчах та тем сăлтава пула унта 44 çамрăк пыман.
Кĕрхи призывăн пĕрремĕш кунĕнчех районти пулас аллă салтака комиссие чĕнтернĕ.
Тăван çĕр-шыва хÿтĕлесси, сыхласси – сывлăх тĕлĕшĕнчен тĕреклĕ кашни 18 çул тултарнă каччăн тивĕçĕ. Шанас килет: хальхи призыв та районта ăнăçлă иртсе кайĕ.