07 октября 2009 г.
Иртнĕ эрнере район администрацийĕн ЗАГС пайĕнче çамрăк çемьесен кунĕ ячĕпе кăмăллă мероприятисем йĕркеленĕ. Чăн малтанах Шăнкăртамра йĕкĕреш ача çуралнă Феткулловсене саламланă.
Район администрацийĕн организаципе контроль тата кадрсем енĕпе ĕçлекен пай начальникĕ С. Торговцев район пуçлăхĕ ячĕпе çамрăксене малашлăх пурнăçра ăнăçу, телей, юрату суннă.
Авăнăн 30-мĕшĕнче Патăрьелĕнчи Виталий Алексеевичпа Валентина Петровна Кудряшовсене çемьене йыш хушнă ятпа саламланă. Анастасия кăçал районта çуралнă 400-мĕш ача.
Танлаштарма: 2008 çулта 400-мĕш ача ноябрĕн 21-мĕшĕнче, 2007 çулта вара ноябрĕн 2-мĕшĕнче çуралнă.