14 октября 2009 г.
Атăлçи Федераллă округра ирĕклĕ майпа кĕрешсе мала тухмалли ăмăрту Ульяновскра иртрĕ. Унта 1994-1995 çулсенче çуралнă арçын ачасем тупăшрĕç. Кавирсем çине 15 пĕрлештернĕ командăран 200 ытла кĕрешекен тухрĕ.
Чăваш Республикин пĕрлештернĕ команди шутĕнче пирĕн районтан 5 атлет хутшăнчĕ. Çĕнтерÿшĕн вĕсем çивĕч кĕрешрĕç. А. Марков 85 кг таранчченхи виçере иккĕмĕш, А. Сеприханов 46 кг таранчченхи виçере тăваттăмĕш вырăна тухрĕç. Вĕсем Кивĕ Ахпÿртри шкулта вĕренеççĕ, ăсталăхне И. Алеев тренер пулăшнипе туптаççĕ. И. Алеев тренерăн воспитанникĕ А. Алеев 63 кг таранчченхи виçере пиллĕкмĕш, М. Ялуков 58 кг таранчченхи виçере улттăмĕш вырăн йышăнма пултарчĕç. Вĕсем Патăрьелĕнчи 1-мĕш вăтам шкулта вĕренеççĕ.
А. Алеева.