Публикации » Ачасен пултарулăхĕпе ашшĕ-амăшĕ те кăмăллă

17 октября 2009 г.

Ыхра Çырминчи шкулта учительсем вĕренекенсен пултарулăхне тĕрлĕ енлĕ аталантарма тăрăшаççĕ. Çак тĕллевпе тĕрлĕрен хушма сехет ирттереççĕ. Шкулта çивĕч перо ăстисем те сахал мар. Шăпах вĕсен вăйĕпе ĕнтĕ чăвашла «Шăнкăрав», тутарла «Шкул пурнăçĕ» хаçатсем тухса тăраççĕ. Хальхи вăхăтра вĕсем тăваттăмĕш кăларăма калăплаççĕ. Чăваш чĕлхипе литература учительници С. Кулакова тата Р.Хамдеева вожатăй йĕркелесе ертсе пынипе ачасем ялти ĕç паттăрĕсем, хисеплĕ ватăсем пирки материалсем хатĕрлеççĕ. Ачасен пултарулăхĕшĕн ашшĕ-амăшĕ те кăмăллă. Тепĕр темиçе çултан, тен, çак йышранах паллă çыравçăсем çуралĕç. Ырă ĕмĕт-тĕллев çамрăк чухне туптанать-çке.