Публикации » Çамрăксем – сывă пурнăç йĕркишĕн

17 октября 2009 г.

Нăрваш Шăхалĕнчи Валентина Владимировнăпа Валерий Петрович Михайловсен спортпа туслă çемйине тавра ялта çеç мар, районта та чылайăшĕ лайăх пĕлеççĕ. Вĕсем тăтăшах çемьепе районти ăмăртусене хутшăнаççĕ. Виçĕ ача çитĕнтереççĕ Михайловсем. Настя 9-мĕш, Снежана 7-мĕш класра вĕренеççĕ, Арина шкула каяймасть-ха. Ачасем ашшĕ-амăшĕпе пĕрле çулла велосипедпа чупаççĕ, хĕлле йĕлтĕрпе ярăнаççĕ. Районта иртекен «Çамрăксем – сывă пурнăç йĕркишĕн» акцие хутшăнса çак кунсенче Нăрваш Шăхаль шкулĕнчи 9-мĕш класра вĕренекенсем Л. Потапова класс ертÿçи пуçарăвĕпе çак кăтартуллă çемьепе тĕл пулнă, вĕсен ырă йăли-йĕркипе паллашнă.