21 октября 2009 г.
Республика Президенчĕн Указĕпе килĕшÿллĕн 2010 çулта Республика кунне халалланă мероприятисем тĕп хуламăрпа пĕрлех пирĕн районта та иртĕç. Чыслă-сумлă, хисеплĕ хăнасене кĕтсе илме вара паянах хатĕрленÿ ĕçĕсем пыраççĕ. Хальхи вăхăтра хамăр пурăнакан, иртсе çÿрекен вырăнсене тирпейлесси ăнăçлă пулса пырать. Çак сăлтавпа район центрĕнче строительсем кашни кунпа тухăçлă усă кураççĕ: çулсене якатса çĕнетеççĕ, кантур çурчĕсен умне капăрлатаççĕ, кирлĕ çĕре чечек-курăк акса илемлетме тăпра турттараççĕ.
Акă, районти халăха ĕçпе тивĕçтерекен центр ĕçченĕсем уява хатĕрленсе çитес çул хăйсен территорине тĕрлĕрен хитре чечекпе лутра курăк акма çĕр илсе килсе сапаланă. Çавăн пекех аватомашинăсем чарăнма вырăн хатĕрлессипе те тимлеççĕ.