21 октября 2009 г.
Патăрьелĕнчи иккĕмĕш вăтам шкулта сăвă ăста калакансен районти иккĕмĕш конкурсĕ иртнĕ. «Янăракан сăмах» ятпа йĕркеленĕскерне поэт-юбилярсене халалланă.
Конкурса районти мĕн пур шкултан 85 вĕренекен хутшăннă. Тупăшу çивĕч кĕрешÿре иртнĕ. Комисси талантлă та пултаруллă вулавçăсене уйрăммăн палăртнă.
4-5-мĕш классенчен Именкассинчи пуçламăш шкулти М. Бородкина, 6-8-мĕш классем хушшинче Шăнкăртамри пĕрремĕш вăтам шкулти А. Айзатулловăпа, А.Шарягова, 9-11-мĕш классенчен вара Патăрьелĕнчи пĕрремĕш вăтам шкулти Р. Феизовпа Патăрьелĕнчи иккĕмĕш вăтам шкулти Т. Паймукова чи ăста вулакансем пулнă.
Спорт (Развитие массового спорта, пропаганда здорового образа жизни)Треньелсемшĕн футбол юратнă вăйă
Треньелте пурăнакансемшĕн спорт тупăшăвĕсенчен ытларах футбол çывăх. Çавăнпа та пулĕ кунта тĕрлĕрен сăлтавпа час-часах футбол турнирĕсене йĕркелеççĕ. Нумай пулмасть çеç ăна В. Муськин футбол ветеранĕ ячĕпе ирттернĕ.
Ăмăртăва пĕр ялтан тăватă команда хутшăннă: «Керамик» – ветерансен (капитанĕ О. Романов), «Юность» – ял çамрăкĕсен (А. Марков), «Красновцы» – вĕренекенсен (С. Мясников), «Чебоксарский» – тĕп хуламăрти тĕрлĕ вĕренÿ шкулĕсенчи студентсен (А.Анисимов) ушкăнĕсем.
Турнир питĕ кăсăклă иртнĕ. Спортсменсем пĕри теприне парăнасшăн пулман. Çапах та Шупашкарти студентсен команди вăйă çĕнтерÿçи ятне чыслăн тивĕçнĕ.