Публикации » Района – тепĕр çĕнĕ шкул автобусĕ

24 октября 2009 г.

Юпа уйăхĕн 20-мĕшĕнче «Вĕрентÿ» наци проекчĕпе килĕшÿллĕн республикăна тата 16 шкул автобусĕ килнĕ. Вĕренекенсене илсе çÿрекен транспортра мĕн пур хăтлăх пур: кашни вырăна хăрушсăрлăх пиçихийĕпе тивĕçтернĕ, автобусăн хыçалти пайĕнче ятарласа сумкăсене хумалли вырăн тунă, чарăну валли асăрхаттару сигналĕ вырнаçтарнă, водителе те салонти ачасемпе хутшăнма лайăх услови туса панă. 2001 çултанпа, Чăваш Енре Президентăн «Шкул автобусĕ» программи ĕçлеме пуçланăранпа, ачасене шкулсене илсе çÿреме 318 автобус туяннă. Вăл шутра пирĕн района 24-шĕ тивĕçнĕ. Хальхинче вара çĕнĕ автобус района Туçари вĕрентÿ центрĕ ячĕпе килнĕ.