24 октября 2009 г.
Нумаях пулмасть «Аргументы и факты» хаçат вулакансемпе «30 дней электроснабжения» ятпа Пĕтĕм Раççейĕпе конкурс йĕркеленĕ. Пирĕн районтан та пысăк тиражпа тухакан хаçатăн хастар вулаканĕ, Патăрьелĕнчи иккĕмĕш вăтам шкулта вуннăмĕш класра вĕренекен Александр Табаков, çак конкурса хутшăннă. Ертÿçи – Н. Чумерин физика учителĕ. Конкурса хутшăнакансен тăрăшса тĕпчевлĕ ĕç тăратни харама кайман. А. Табаков Пĕтĕм Раççейри конкурсра хăйĕн талантне кăтартса пĕрремĕш вырăн йышăннă. Уншăн савăнмалăх та, ăна мухтамалăх та сăлтав пур.
Саша – вĕренÿ отличникĕ. Вăл тăтăшах наука конференцийĕсене хастар хутшăнать. Çав вăхăтрах обществăлла ĕçре те пуçаруллă, спортпа та туслă.