24 октября 2009 г.
Патăрьелĕнчи 2-мĕш вăтам шкулта «Эпир – сывă пурнăç йĕркишĕн» акцие хутшăнса спорт ăмăртăвĕсем тăтăшах иртеççĕ.
Физкультура вĕрентекенĕ А. Краснов йĕркеленипе 8-11-мĕш классенче вĕренекен хĕр ачасем хушшинче баскетбол турнирĕ пырать. Кĕçĕн классенче вĕренекенсем «Паттăр» сывлăх комплексне такăр сукмак хыврĕç. «Хĕвел, сывлăх, шыв – пирĕн çывăх туссем» текен тĕллеве тĕпе хураççĕ вĕсем.
Вăтам классем хушшинче çăмăл атлетика эстафети пулчĕ. Пĕрремĕш вырăна 7-мĕш «а» класс, иккĕмĕшпе виççĕмĕш вырăнсене 6-мĕш «а» тата 6-мĕш «б» классем пайларĕç.
Аслă классен эстафети те çивĕч иртрĕ. Кунта 11-мĕш «г» класс финиш йĕрне чи малтан касрĕ. Ун хыççăн эстафета патакне 9-мĕш «а» класс илсе çитерчĕ. Виççĕмĕш вырăнта 11-мĕш «е» класс. Эстафетăна 150 яхăн ача хутшăнчĕ.
Юлашкинчен пурте пĕрле трассăпа «Сывлăх çаврăнăшĕ» тесе чупса тухрĕç.
В. Антипов.