28 октября 2009 г.
Куславккари «Атăл» физкультурăпа сывлăх комплексĕнче Чăваш Республикинчи патшалăх власть тата хăй тытăмлăх органĕсенче ĕçлекенсен VIII спартакиадин финалти ăмăртăвĕсем иртрĕç. Унта Патăрьел райадминистрацийĕн команди те хастар хутшăнчĕ.
Çивĕч кĕрешÿре пирĕн спортсменсем волейболпа иккĕмĕш, дартс енĕпе – виççĕмĕш, шывра ишессипе тăваттăмĕш вырăн йышăнма пултарчĕç. Район команди пĕтĕм итогсем тăрăх виççĕмĕш вырăна тухрĕ. Командăра район пуçлăхĕн пĕрремĕш çумĕ Р. Селиванов, пайсен начальникĕсемпе сотрудникĕсем тупăшрĕç.
(Хамăр корр.).