31 октября 2009 г.
Чăваш Ишекĕнче Пĕлÿ çуртне уçнăранпа вунă çул çитнине анлăн паллă турĕç. Уяв кĕрекине район пуçлăхĕ Н. Глухов, И.Н. Ульянов ячĕллĕ Чăваш патшалăх университечĕн ректорĕ Л. Кураков академик, университет ăсчахĕсем, Пĕлÿ çуртĕнчен вĕренсе тухнисем, вĕсен ашшĕ-амăшĕ, ял çыннисем хутшăнчĕç.
Юбилей ячĕпе ăшă саламсем, хаклă парнесем пайтах пулчĕç. Паллах, уяв юрă-ташăсăр иртмест. Университетпа Пĕлÿ çурчĕн, Патăрьелĕнчи культурăпа кану центрĕн ĕçченĕсем концерт кăтартрĕç.
Университетăн Ăслăлăх канашĕн йышăнăвĕпе килĕшÿллĕн кунта малашне Вĕрентÿпе воспитани ĕçне çĕнĕлĕхсем кĕртме хăнăхтаракан центр пулĕ.
А. ИВАНОВ.