Публикации » Юбилей ячĕпе – ытам тулли роза

31 октября 2009 г.

Кирек камшăн та пысăк юбилей ĕмĕрлĕх асра юлни паха. Сăкăтри вăтам шкулти физикăпа математика учителĕшĕн – В. Ксенофонтовашăн ылтăн юбилей пурнăçри чи пысăк паллă пулса юлнă. Вăтăр çула яхăн тăван шкул коллективĕнче килĕштерсе тăрăшакан-скерне ĕçтешĕсем те чыслăн саламланă. Чи-чи тыткăнлаканни вара Валентина Ивановнăшăн Америкăра пурăнакан Александр ывăлĕ юратнă амăшне вăрăм ĕмĕрлĕх пурнăç сунса пĕр ытам хĕм сапакан роза çеçки парнелени пулнă.

Ксенофонтовсен килĕшÿллĕ çемйи виçĕ ача çуратса çитĕнтернĕ. Вĕсем пурте аслă пĕлÿ илнĕ, пурнăç çулĕ çине тăнă. Николай Васильевичпа Валентина Ивановна паян ачасен савăнăçĕпе киленсе пурăнаççĕ.