03 ноября 2009 г.
Район администрацийĕн структура подразделенийĕсен ертÿçисен черетлĕ канашлăвĕнче иртнĕ эрнери ĕçе пĕтĕмлетнĕ. Малтанах район пуçлăхĕн пĕрремĕш çумĕ Р. Селиванов районăн вунă уйăхри социаллă-экономикăллă аталанăвĕ пирки чарăнса тăнă, Çĕр ĕçченĕн çулталăкне ăнăçлă вĕçлес ыйтăва çивĕчлетнĕ.
Канашлăва ертсе пынă май Рудольф Васильевич хĕллехи хутмалли тапхăра пĕр кăлтăксăр ирттерсе ярас, çул-йĕре кирлĕ пек пăхса тăрас, ачасен кĕркуннехи кану вăхăтне усăллă йĕркелес, районти ваттисен çурчĕсене пысăк тимлĕх уйăрас тата ытти ыйтусене те çивĕчлетнĕ.