Публикации » Сысна грипĕ пирĕн района та çитнĕ

28 ноября 2009 г.

Темиçе эрне каялла çеç сысна грипĕпе Шупашкарта сакăр çын сиенленнине каларĕç. Çынсен куçăмĕ пысăккине пула вăл хăш-пĕр районсене те çитнĕ-мĕн. Районти тĕп больницăри инфекци уйрăмĕн заведующийĕ А.Чернова хаçат редакцине пĕлтернĕ тăрăх, çак эрнере пирĕн районта сысна грипĕн вирусĕпе сиенленнĕ виçĕ çынна тупса палăртнă. Вăл шутра пĕр ача. Çак чир кÿршĕ Елчĕк районне те çитнĕ-мĕн. Инфекци ертнисенчен пĕри йывăр çын хĕрарăм.

Усал чир малалла та сарăлас хăрушлăх пур. Çавăнпа та çынсем йышлă çÿрекен вырăнсенче пурин те маскăсем тăхăнмалла, унтан вăтанмалла мар. Ăна вара икĕ сехетре пĕрре улăштарса тăмалла.