12 декабря 2009 г.
Шăнкăртамри «Батыр» спортклуб спортсменĕсем çак кунсенче тутарла-пушкăртла кĕрешес енĕпе Хусанта иртнĕ Раççей чемпионатне хутшăнса Чăваш Ен чысне хÿтĕленĕ.
Çакнашкал ăмăртăва 2013 çулта Тутар республикинче иртекен Пĕтĕм тĕнчери çуллахи Универсиада программине те кĕртнĕрен кĕрешÿçĕсен хальхи чемпионата хутшăнас кăмăл пысăк пулнă.
36 регионтан килнĕ пысăк чемпионатра 90 килограмлă виçе категорийĕнче Решид Хамбиков пăхăр медаль çĕнсе илнĕ. Çамрăксем те лайăх кĕрешнĕ. 50 килограмчченхи виçеллисенчен Марат Купкенов ылтăн, 55 килограмчченхисенчен Ильнар Шамсутдинов пăхăр медальсене тивĕçнĕ.