12 декабря 2009 г.
2009 çулхи декабрĕн 16-мĕшĕнче Чăваш патшалăх университечĕн журналистика факультечĕ ЧР Вĕрентÿпе çамрăксен политикин министерствипе пĕрле çамрăк журналистсен слетне тата Журналистика факультечĕн кунне ирттереççĕ. Çавна май «Авангард» хаçатăн çамрăк журналисчĕсене – активлă корреспонденчĕсене çак республика шайĕнчи мероприятие йыхравлатпăр. Журналистикăпа кăсăкланакансене декабрĕн 16-мĕшĕнче хапăл туса кĕтетпĕр. Слет вăхăтĕнче тележурналистикăпа, фотожурналистикăпа, пичетленекен массăллă информаци хатĕрĕсемпе, интернет-журналистикăпа, рекламăпа мастер-классем иртеççĕ. Вĕсене республикăри паллă журналистсем ертсе пырĕç.
А. ДАНИЛОВ,
журналистика факультечĕн деканĕ, профессор.