16 декабря 2009 г.
Нимĕнле инкек те куçа курăнса, асăрхаттарса килмест. Май пур таран унтан кашнийĕн сыхă пулмалла. Хамăр пурăнакан çурт-йĕре тĕрлĕрен инкекрен ятарласа страхлани чылай чухне хуçана çăмăллăх кÿрет, тăкака саплаштарма пулăшать. Ун пек май пулмасан вара çывăх туйăнакан чавсана та çыртаймăн.
Нумай пулмасть Тăрăнти Красновсен хуçалăхĕнче пушар тухнă, вутра сарайĕсем сиенленсе юрăхсăрланнă. Пушарăн сăлтавĕ – электроприборпа тĕрĕс мар усă курни. Кăнтăрлахи пушара алхасма паман, вăхăтра парăнтарнă. Çапах та çурт-йĕре страхланă вăхăчĕ иртсе кайнă пирки кил хуçисем тăкакăн пĕр пайне те саплаштарайман.