19 декабря 2009 г.
Республикăри çамрăксен «Суйлав – пĕлтерĕшлĕ» вĕрентÿ проекчĕн финалĕ иртнĕ. Унта пилĕк зонăри çĕнтерÿçĕсем хутшăннă.
Хĕр-упраçпа яш-кĕрĕм малтан хăйсем хатĕрленĕ номерсемпе паллаштарнă: юрланă, суйлав комиссийĕн ĕç-хĕлĕнчи уйрăмлăхсем пирки сценкăсем лартнă, фильмсем, слайдсем, схемăсем кăтартнă. Унтан «Тавлашусем чăнлăха çиеле кăлараççĕ» тата плакатсен «Суйлава чĕнни» конкурсĕсем иртнĕ. Çамрăксем суйлав историйĕпе процесне пĕлнине, хăйсен пултарулăхне, культура шайĕпе тавçăрулăхне кăтартнă. Проекта пĕтĕмлетнĕ хыççăн Шупашкарти Мускав районĕн команди чи лайăххи пулни палăрнă, иккĕмĕш вырăнта – Патăрьелĕнчи пĕрремĕш вăтам шкул çамрăкĕсем.