Публикации » Ентешсен çитĕнĕвĕ

23 декабря 2009 г.

Шупашкарта Раççей Геройĕн Н.Гаврилов генерал-лейтенантăн парнисене çĕнсе илессишĕн ирĕклĕ майпа кĕрешекенсен Пĕтĕм Раççейри турнирĕ иртнĕ. Унта пирĕн ентешсем те хутшăннă. Çамрăксем хушшинче Шăнкăртамри И.Тараков (тренерĕ Ф.Чабатов) иккĕмĕш вырăн йышăннă. Çак ăмăртура Шăнкăртамсем чăннипех хăйсен вăйĕпе тĕлĕнтернĕ.

А. Сунгатуллин 50 килограмлисем хушшинче иккĕмĕш, М. Налиба (Чăваш патшалăх университечĕн студенчĕ) 120 килограмлисем хушшинче пĕрремĕш вырăна тухнă. Хĕрсем хушшинче Аслă Чементе çуралса ÿснĕ С.Миронская çĕнтерÿçĕ ятне тивĕçнĕ. Первомайскинчи вăтам шкулта ХI класра вĕренекен А. Сидорова (тренерĕ М. Зейнетдинов) виççĕмĕш вырăна тухнă. А. ИВАНОВ.