26 декабря 2009 г.
Треньелĕнчи А. Краснов ячĕллĕ пĕтĕмĕшле пĕлÿ паракан тĕп шкулти пиллĕкмĕш классен ертÿçи Р. Вахитова «Самый классный классный» конкурса хутшăнса ашшĕ-амăшĕпе ачасене явăçтарса «Пирĕн туслă çемье» КВН ирттерчĕ. Унта хутшăнакансен ваттисен сăмахне вĕçлеме пĕлмелле, юмах ятне тупмалла, хупă куçсемпе ÿкерчĕк тумалла пулчĕ. Тупмалли юмахсен тупсăмне пĕлесси те интереслĕ. Шар çинче аппликаци тăвасси пуриншĕн те кăткăсрах пулчĕ. 5 минутра унта кушак, йытă, сысна çурисене ÿкермелле. Ташă ăсталăхне те тĕрĕслерĕç конкурсра.
Туслăха çĕнтерекенни çук иккен. Ăна пула ашшĕ-амăшĕ, ачисем тата та çывăхланчĕç.
(Хамăр корр.).