Публикации » Альбир хазрат Крганов муфти – РФ Общество Палатинче

31 декабря 2009 г.

Чăваш Ен Президенчĕ Николай Федоров Чăваш Республикинчи Мăсăльмансен тĕн управленийĕн Председательне Альбир хазрат Крганова Раççей Федерацийĕн Общество Палатине суйланă ятпа саламланă. «Çакă Чăваш Енри нацисен хушшинчи килĕшÿшĕн пыракан нумай енлĕ ĕç-хĕлĕре пысăк хак панине çирĕплетет. Эсир малашне те тĕрлĕ конфесси представителĕсем тăнăçлăхшăн, ырăлăхшăн, килĕшÿшĕн ĕçлĕ çыхăнăва çирĕплетсе пынине хăвăр тÿпене хывасса шанатăп. Çĕнĕ çитĕнÿсем, иксĕлми вăй-хал, çирĕп сывлăх, ырлăх-телей сунатăп», – тенĕ телеграммăра республика ертÿçи.