13 января 2010 г.
Чăваш Республикин Физкультурăпа спорт, туризм министерстви иртнĕ çулталăк пĕтĕмлетĕвĕпе йĕркеленĕ чи лайăх спортсмена палăртасси малалла пырать. Министерствăн сайтне кĕрсе пиртен кашниех 17 паллă спортсменран пĕриншĕн сасăлама пултарать. Эпир, вара Юхмапа Пăла тăрăхĕнче пурăнакансем, хамăр ентешшĕн, маунтинбайкăн кросс-кантри енĕпе 2009 çулхи тĕнче чемпионкишĕн, 2007 çулхи Тĕнче Кубокĕн хуçишĕн – Ирина Калентьевăшăн сасăлар. Кăрлачăн 11-мĕшĕ тĕлне Иринăшăн 32,9 процент сасăланă. Хальлĕхе çакă чи пысăк кăтарту. Ун хыççăн М. Ефремов спортсмен (27,7 процент).