20 января 2010 г.
И. Яковлев ячĕллĕ Чăваш патшалăх педагогика университетĕнче «Чăваш патшалăхĕпе ăс-пурлăхне вĕрентес ĕçри çĕнĕ ăслайсем» темăпа регионсем хушшинчи наукăпа практика конференцийĕ иртнĕ.
Унăн ĕçне район администрацийĕн вĕрентÿ пайĕн информатикăпа методика центрĕн методисчĕ Е. Перепелкина ертсе пынипе Юхмапа Пăла тăрăхĕнчи чăваш чĕлхипе литературинче вĕрентекенсем те хутшăннă.
Конференци хăйĕн ĕçне тĕпрен илсен И. Яковлев ячĕллĕ ЧППУ-н чăваш литератури кафедрин доценчĕ, филологи наукисен кандидачĕ В. Станьял 70 çул тултарнине халалланă.
Çавăн пекех кунта литературăпа халăх культурине вĕрентес ыйтупа çавра сĕтел йĕркеленĕ, тĕрлĕ секцисем ĕçленĕ.
(Хамăр корр.).