20 января 2010 г.
Кăçалхи çулталăк районти педагогсемшĕн уйрăмах ырă пулăмсемпе, çитĕнÿпе паллă пулса юлĕ. Районти хăш-пĕр ял тăрăхĕсенче Вĕрентекен çулне ятарласа чыслă лару-тăрура уçма та ĕлкĕрчĕç. Иртнĕ эрнекун çак сăлтавпа Патăрьелĕнчи культурăпа кану центрне район центрĕнчи пĕрремĕш тата иккĕмĕш вăтам шкул коллективĕсен пултарулăхне пăхса хаклама лăк тулли халăх пуçтарăннă. Вĕрентекенсене район пуçлăхĕ Н. Глухов, Чăваш патшалăх университечĕн ректорĕ Л. Кураков академик, Патăрьел ял тăрăх пуçлăхĕ А. Ялуков хăйсен ячĕллĕ çулталăка пысăк хавхаланупа, ĕçри ăнăçупа ирттерме ырă суннă.
Коллективсен отчечĕсемпе çыхăннă пуян содержаниллĕ концерт умĕн чи кăтартуллă педагогсене Хисеп грамоти тата диплом парса чыс тунă.