23 января 2010 г.
Настя Прокопьева Ишлĕри пĕтĕмĕшле пĕлÿ паракан тĕп шкулта вĕреннĕ вăхăтра М. Прокопьев тренер пулăшнипе çăмăл атлетикăпа туслашнă, çуран чупассипе пĕрре мар çĕнтерÿçĕ ятне тивĕçнĕ. Иртнĕ çулхи декабрь уйăхĕнченпе вăл пĕлĕвĕпе ăсталăхне Çĕнĕ Шупашкарти ачасемпе çамрăксен олимп резервĕсем хатĕрлекен 3-мĕш спорт шкулĕнче малалла аталантарать.
Нумаях пулмасть Настя Çĕнĕ Шупашкарти çăмăл атлетсен манежĕнче федерацин Атăлçи округĕнче мала тухассишĕн çуран чупассипе иртнĕ ăмăртăвĕнче 400 метрлă дистанцире 5-мĕш вырăн йышăннă, аслисем хушшинче пĕрремĕш разряд нормине тултарнă. А. ИВАНОВ.