27 января 2010 г.
Раççей Президенчĕн Атăлçи округĕнчи полномочиллĕ представителĕ Г. Рапота Мускавра Раççейĕн Обществăллă палатин членĕ пулма округран суйланисемпе тĕл пулнă. Унта Раççейри Мăсăльмансен Тĕп тĕн управленийĕн Председателĕн çумĕ, Чăваш Республикинчи Мăсăльмансен тĕн управленийĕн Председателĕ Альбир-хазрат Крганов муфти те хутшăннă.
«Тĕл-пулу усăллă, пĕр-пĕрне шанса калаçнă лару-тăрура иртрĕ. Эпир округри чи пысăк йышлă икĕ тĕн конфессийĕ пĕрле пурнăçламалли тĕллевсене сÿтсе яврăмăр. Уйрăмах кăмăл-сипет воспитанийĕ парас, çамрăксемпе ĕçлес ыйтусене тимлĕ пăхрăмăр», – палăртнă Альбир-хазрат Крганов.
Раççей Федерацийĕн Обществăллă палатине кăçал çĕнетнĕ. Унта çĕр-шывра наукăпа техникăра, культурăпа искусствăра, правăпа спортра, экономикăра палăрнă çынсене кĕртнĕ. Палата ертÿçи пулма каллех Е. Велихов академика суй-ланă.
(Хамăр корр.).