27 января 2010 г.
Чăваш Республикинчи ĕçпе тивĕçтерекен служба професси суйласа илме пулăшас тĕллевпе «Пуласлăха пăхатпăр» ыр кăмăллăх марафонĕ ирттернĕ.
Унăн тĕллевĕ – çул çитмен çамрăксене, социаллă реабилитаци кирлисене професси суйлама пулăшасси, профессисемпе туллин, анлăн паллаштарасси, вĕсен пĕлтерĕшне хăпартасси, ĕçе вырнаçма пулăшасси.
Ку марафон «Ачалăх ячĕпе, ачалăхшăн» марафон шучĕпе иртет. Унăн малтанхи тапхăрĕ пĕлтĕрхи ноябрь-декабрь уйăхĕсенче пулнăччĕ.
Акцин професси суйлама пулăшакан мероприятийĕсене ятарлă 14 учрежденире йĕркеленĕ. Çамрăксемпе ашшĕ-амăшне професси суйласа илес енĕпе усăллă канашсем панă.