27 января 2010 г.
Чăваш Республикинчи 2009 çулхи кĕркуннехи-хĕллехи призыв вăхăтĕнче 2454 чăваш каччи çар тумне тăхăннă. Республикăри çар ĕç комиссариачĕ пĕлтернĕ тăрăх Раççей çарне шăпах çавăн чухлĕ çамрăка ямалла пулнă.
Çакна палăртма кăмăллă: ку призыв йĕркеллĕ иртнĕ, нимĕнле пысăк чăрмав та пулман. Ку, паллах, çарти ырă улшăнусемпе çыхăннă. Çамрăксен халĕ хĕсметре çулталăк тăмалла тата вĕсене «хĕрÿ точкăсене» ямаççĕ. Çавăнпа ашшĕ-амăшĕ те шикленмен.
Апла пулин те призыв комиссийĕсене чĕннĕ 9,5 пин çынран 112-шĕ сăлтавсăрах пыман.