27 января 2010 г.
Çак концерта курма Аслă Чементи шкулăн акт залне халăх лăк тулли пуçтарăнчĕ. Ăна коллектив хорĕ «Учитель» юрăпа пуçларĕ. Л. Басова «Не смейте забывать учителей» сăвва чуна пырса тивмелле вуларĕ. Кĕçĕн классенче вĕрентекен Л. Тимошкина, М. Медведева, И. Антонова тата А. Ананьева «Кинсене çапла тăн кĕртеççĕ» сценкăпа тăраниччен култарчĕç. Т. Егорова, А. Ананьева тата Л. Тимошкина юрланă хыççăн алă çупрĕç куракансем. Районта кăçал призер пулнă ташă ушкăнĕ чăваш ташшисемпе савăнтарчĕ. Концерта ял тăрăхĕнче вырнаçнă офис, ветучасток, садик, клуб тата администраци ĕçче-нĕсем те хутшăнчĕç. Е. Капитонова, А. Семенова, В. Петрова, А. Сюзюкина, Т. Семенова, Е. Дубинина тата ыттисем кăтартнă номерсем куракансене килĕшрĕç. «Хунав» ача садĕнче ĕçлекенсем улах лартса пачĕç. Концерта Н. Зотовăпа З. Латышева ертсе пычĕç. Юлашкинчен пурте пĕрле «Мы желаем счастья вам» юрра шăрантарчĕç.
Н. КОШЕЛЕВА.