Публикации » Уйăхлăх пырать

30 января 2010 г.

Çитĕнекен ăрăва тивĕçлĕ воспитани парас тата вĕренекенсен патриотла ăнланулăхне йĕркелес тĕллевпе районта çуллен массăллă оборонăн тата спорт ĕçĕн уйăхлăхĕ иртет. Кăçал та вăл январь уйăхĕн 24-мĕшĕнчен пуçласа февраль уйăхĕн 23-мĕшĕччен пырĕ, ырă йăлана кĕнĕ йĕркепе Тăван çĕр-шыв хÿтĕлевçин кунĕ тĕлне иртĕ. Уйăхлăх вăхăтĕнче пур шкулсенче те хăюлăх урокĕсем, класс сехечĕсем ирттерме палăртнă, хăш-пĕр çĕрте çакнашкал мероприятисем иртнĕ те. Çавăн пекех кунта Аслă Отечественнăй вăрçă ветеранĕсене, Тăван çĕр-шывăн хÿтĕлевçисене те явăçтараççĕ. Çарпа патриотла темăпа конкурссем, спорт ăмăртăвĕсем иртĕç.

А. ИВАНОВ.