Публикации » Вĕрентекен çулталăкĕ Старт илчĕ

06 февраля 2010 г.

Республикăра Вĕрентекен çулталăкне официаллă майпа январĕн 29-мĕшĕнче уçрĕç. Çак кун педагог ăсталăхĕн фестивалĕ (интернет-уроксем), «ХХI ĕмĕрти шкул портречĕ» пултарулăх марафонĕ иртрĕ. Паха мероприятисем on-line режимпа ĕçленине пула унта интернет урлă пирĕн район вĕрентекенĕсемпе вĕренекенĕсем те хутшăнма пултарчĕç. Çавăн пекех Учитель çулталăкне сумлă лару-тăрура ял тăрăхĕсенче те паллă турĕç.

Ĕнер вара Юхмапа Пăла тăрăхĕнчи педагогсем Патăрьелĕнчи культурăпа кану центрне пуçтарăнчĕç. Çапла майпа районта та Вĕрентекен çулталăкне уçни çинчен пĕлтерсе ăш пиллĕ сăмахсем чылай янăрарĕç. Тĕплĕнрех çитес номерте паллаштарăпăр.

А. ИВАНОВ.