10 февраля 2010 г.
Район пуçлăхĕ Н. Глухов райадминистрацин структура подразделенийĕсен ертÿçисен черетлĕ канашлăвне Республика кунне ирттерес ыйтăва халалланă.
Республика кунĕн тĕп мероприятийĕсем Патăрьелĕнче тата «Солнечная» уçланкăра иртмелле. Уява чаплă лару-тăрура Патăрьелĕнче уçаççĕ. Патăрьелĕн тĕп лапамĕ, «Солнечная» уçланкă, çĕнелнĕ культурăпа кану паркĕ Патăрьел районĕнчи тата Чăваш Республикинчи пултарулăх ушкăнĕсене йышăнаççĕ. Концертсем кăнтăрла иртеççĕ. «Çĕрлехи» уяв эстафетине эстрада çăлтăрĕсене параççĕ. Патăрьелĕн тĕп лапамĕнче сцена пулать. Концерт хыççăн – фейерверк.
Республика кунĕнче канализаци тата шыв системине хута яраççĕ, стадион, пĕтĕмĕшле практика врачĕн офисне, нумай хваттерлĕ икĕ çурт, «Россельхозбанкăн» хушма офисĕн çĕнĕ çуртне уçаççĕ.
Н. Глухов яваплă çынсене хăйсен ĕçне пахалăхлă тата вăхăтра пурнăçласа пыма хушнă.