10 февраля 2010 г.
Районти ГИБДД уйрăмĕ çул-йĕр çинчи йĕркелĕхе çирĕплетес тĕллевпе тĕрлĕ мелпе усă курать. Вĕсен шутне рейдсем, операцисем кĕреççĕ. Февраль уйăхĕнче, акă, 4 операци ирттерме палăртнă. Пĕри «Ачасем» ятпа февралĕн 10-мĕшĕнче, тепри – «Çуран çын каçмалли» ятпа февралĕн 12-мĕшĕнче, виççĕмĕшĕ «Автобус» ятпа февралĕн 18-мĕшĕнче, тăваттăмĕшĕ «Парăмçă» ятпа февралĕн 25-мĕшĕнче пулаççĕ. Вĕсем вăхăтĕнче çул-йĕр хăрушсăрлăх инспекцийĕн ĕçченĕсем халăх çул-йĕр правилисене мĕнле пăхăннине, пассажирсем турттарассин хăрушсăрлăхĕ мĕнле шайра пулнине тĕрĕслеççĕ.
Водительсене çапла асăрхаттарас килет: хăвăртлăха çул-йĕр тата çанталăк условийĕсене кура тытса пырăр, çула тимлĕ сăнăр.
Çуран çÿрекенсен тротуарпа, сукмакпа, çул айккипе çеç пымалли пирки асра тытмалла.
С. КУЗНЕЦОВ,
ГИБДД уйрăмĕн инспекторĕ.