13 февраля 2010 г.
Раççей Правительствин Председателĕ Владимир Путин ертсе пынипе регионсен аталанăвĕ енĕпе ĕçлекен комисси ларăвĕ иртнĕ. Унăн ĕçне Чăваш Республикин Президенчĕ Николай Федоров та хутшăннă. Правительство хушăвĕпе ăна çав комисси йышне кĕртнĕ.
Ларура информациллĕ обществăна аталантарса патшалăх енчен ертсе пырассин эффективлăхне ÿстерес пирки çивĕч калаçу пулнă.
Паллă ĕнтĕ, Чăваш Республики электронлă правительство йĕркелессипе Раççейре кăтартуллисен шутĕнче.
Пачăшкăсем пулăшаççĕ
ЧР Вĕрентÿпе çамрăксен политикин министерствипе Шупашкар – Чăваш Ен епархи шкулсенче православи культурин никĕсĕсене вĕрентес енĕпе пачăшкăсемпе пĕрле ĕçлесси çинчен килĕшÿ тунă. Ун çине Г. Чернова министрпа Варнава митрополит алă пуснă.