13 февраля 2010 г.
Кăçалхи январьте çул-йĕр çинче 3 инкек пулчĕ. Вĕсенче 9 çын аманчĕ, 2 çын пурнăçран уйрăлчĕ. Пĕлтĕрхи çав тапхăрпа танлаштарсан инкек хисепĕ пĕр тĕслĕх чухлĕ чакрĕ, анчах та аманнисен шучĕ 5 тĕслĕх, вилни пĕр тĕслĕх ытларах.
Ют çĕртен килнĕ транспорт пĕр авари тунă. Ăна пула 2 çын вилнĕ, 7 çын аманнă.
Çуран çÿрекенсен айăпĕпе пĕр инкек пулнă, пĕр çын аманнă.
Çул çитмен çамрăк хутшăннипе пĕр инкек шута илнĕ, унта пĕр ача аманнă.
Январьти асăрхаттаруллă ĕçсем вăхăтĕнче çул-йĕр правилине пăснă 704 водителе тытса чарнă, 9-шĕ урă пулман.
Ачасене çул-йĕр инкекĕсенчен сыхлас тĕллевпе милицин ытти службисемпе пĕрле 4 рейдпа 2 операци йĕркеленĕ.
Водительсен те, çуран çÿрекенсен те пĕр-пĕрне хисеплемелле. Çакă çул-йĕр хăрушсăрлăхне ÿстерме çеç пулăшĕ.
С. КУЗНЕЦОВ, ГИБДД уйрăмĕн инспекторĕ.