Публикации » Халăх валли хваттерсем

20 февраля 2010 г.

Чăваш Республикин Президенчĕ Николай Федоров Шупашкарти Богдан Хмельницкий урамĕнчи комплекслă строительство ĕçĕсем пирки канашлу ирттернĕ. Социаллă пĕлтерĕшлĕ çак проект хакĕ 4,5 млрд. тенкĕ, Раççей Федерацийĕн Инвестици фончĕ пулăшакан калăпăш 660 млн. тенке яхăн. Халăх «Богданка» ят панă çак район территорийĕнче 100 пин çын пурăнакан хула çĕкленĕ. 13 микрорайон тума пăхнă, пурăнмалли лаптăк 2 млн тăваткал метрпа танлашмалла. Н. Федоров палăртнă тăрăх, кирлĕ Пĕтĕм инфратытăма çÿллĕ шайра тумалла. Республика пуçлăхĕ строительство комплексĕн аталанăвĕпе çыхăннă çак ĕçсене пурнăçлас тĕлĕшпе татăклă хушусем панă.