27 февраля 2010 г.
Шупашкарта регионсем хушшинчи «Çĕр улми-2010» курав иртнĕ. Унта хутшăннисем палăртнă тăрăх, çак анлă форум çĕр улми çитĕнтерессине малалла аталантарма, çĕнĕ çыхăнусем йĕркелеме, малашлăхлă проектсем хатĕрлеме пулăшакан пысăк ĕç пулнă.
Курава уçнă çĕре Чăваш Республикин Президенчĕ Николай Федоров, РФ Ял хуçалăх министрĕн çумĕ Александр Беляев, Пĕтĕм Раççейри çĕр улми хуçалăхĕн А.Г. Лорх ячĕллĕ наука тĕпчев институчĕн директор çумĕ Борис Анисимов, ытти официаллă çынсем хутшăннă. Выставкăра Раççейри 20-е яхăн регионран çĕр улми ÿстерессипе çыхăннă хуçалăхсем, организацисем, ют çĕр-шывсенчи çĕр улми ăстисем хăйсен продукцине кăтартнă.