03 марта 2010 г.
КАЙĂКСЕМ – ПИРĕН ТУССЕМ
Кăçал хĕл калама çук сивĕ килчĕ. Çунатлă туссене пулăшас тĕллевпе эпир пĕри-тепринчен чаплă, илемлĕ сырăшсем турăмăр. Унта тулă пĕрчисем, салă татăкĕсем, тĕрлĕ кĕрпе, çăкăр тĕпренчĕкĕсем сапса патăмăр.
Часах пирĕн сырăшсем çине чĕвĕл-чĕвĕл çерçисем вĕçсе çитрĕç, уйăпсемпе кăсăясем те хăнара пулчĕç.
М. ШАШКИНА.
ЭПИР – ПУЛАС САЛТАКСЕМ
Пуçламăш классем хушшинче «Савăнăçлă старт» вăйă иртрĕ. 3-4-мĕш классем ăмăртрĕç ку вăйăра. Тĕрлĕ конкурса хутшăнса 1-мĕш вырăна – 4-мĕш классем, 2-мĕш вырăна – 3-мĕш классем тухрĕç. Д. КЛЕМЕНТЬЕВ.