24 марта 2010 г.
Иртнĕ шăматкун Кивĕ Ахпÿртри пĕтĕмĕшле пĕлÿ паракан шкулта Раççей писателĕсен, ЧР журналистсен союзĕн членĕпе, В. Кузнецов ячĕллĕ преми лауреачĕпе В. Рыбкинпа (Вăрăм Палюк) тĕл пулу иртнĕ. Владимир Николаевич асăннă шкул выпускникĕ. Вăл пин ытла сăвă, 500 ытла юрă, пьеса-калав авторĕ. Сăмах ăсти 22 кĕнеке кăларнă, вĕсене хăйех вырăсла куçарнă.
Тĕл пулу ачасемшĕн те, вĕрентекенсемшĕн те интереслĕ иртнĕ. Вăл пурнăçра асра юлнă самантсем, хăйĕн творчестви пирки каласа панă, хăйне вĕрентнĕ учительсене пурне те тав тунă.