Публикации » Юр айĕнчен тухакан тирпейсĕрлĕх куçа тирĕнет

27 марта 2010 г.

Çанталăк ăшăтса пынă май хăш-пĕр вырăнта юр айĕнчен тухакан тирпейсĕрлĕх, тасамарлăх тÿрех куçа тирĕнет. «Капкăн кĕтессине» çакланмалли ÿкерчĕксем Патăрьелĕнче те пайтах. Киров урамĕнчи 16-мĕш çуртра пурăнакансем коммуналлă хуçалăх работникĕсем туалетран кăларнă каяш купи çумĕнчен аран-аран утса çÿреççĕ. Хĕлле тасатнăскерне халĕ те илсе кайса пĕтермен-ха. Унсăр пуçне тата çÿп-çап купи мĕн пысăкăш! Гагарин урамĕнчи туалет ишĕлсе, йăтăнса анни те темиçе уйăх. Взрыв пулнă евĕр шăтăка пĕр-пĕр пĕлмен çын çеç ан чăмтăр. Патшалăх çуртĕнче пурăнакансен, паллах, чăн малтан хăйсен тирпейлĕ пулмалла. Вĕсене пăхса тăракан коммуналлă хуçалăхăн вара çÿп-çапа сăрт-ту пуличчен купалантарса ямалла мар.