27 марта 2010 г.
Автотранспорт шучĕ нумайланнă май çул çинче хăрушлăх шайĕ те ÿсет. Çавăнпа та водительсен те, çуран çÿрекенсен те тимлĕхе палăрмаллах хăпартмалла. Шел пулин те, хăш-пĕр граждансен çакă çитмест. Акă, 2010 çулта 150 çыннăн çул-йĕр правилисене пăхăнманнипе административлă явап тытма тиврĕ.
Кăçал автотранспорт çуран çÿрекенсем çине кĕрсе каясси ÿсрĕ. Икĕ уйăхра 4 тĕслĕх пулчĕ, вĕсенче 4 çын аманчĕ, пĕри вилчĕ.
Хăш-пĕр водительсен хăвăртлăх режимне пăхăнасси çитмест. Çуран çÿрекенсен те йĕркелĕхе пăхăнмаллах, унсăрăн сывлăха хавшатасси е пурнăçран уйрăласси те инçех мар.
С. КУЗНЕЦОВ, ГИБДД уйрăмĕн инспекторĕ.